色日放送:十年一遇 吹得大跌得快

作者:Connie 發表日期:2017-11-09 20:02:13

所謂人靠衣裝,所以消費品為爭取銷量亦需要靠包裝,至於日本AV作品亦都一樣!好多AV廠為咗令旗下嘅女優打響名堂,吸引AV迷大破慳囊,會喺女優出道時盡情煲大佢嘅優點。而歷來就有唔少女優更加被AV廠稱之為質素屬於「十年一遇」咁高質,到底係吹大咗,定係真材實料,而AV迷又Buy唔Buy呢?今日就同大家嚟個「十年一遇」大檢閱!

橘詩織
所屬廠方:SOD
出道年份:2012年
收工年份:2013年
吹水指數:★★★★★(最高5粒星)
橘詩織係2012年SOD年尾檔期力捧嘅專屬女優,SOD聲稱阿妹童顏夠可愛,身材夠鮮嫩,質素乃係真真正正嘅「十年一遇」。老實講,好似橘詩織咁款嘅女仔真係通街都係,絕對冇令人印象深刻嘅元素。另一方面,橘詩織由頭到尾都只係得一個表情,睇到人好悶囉!加上同期又有魔性之女古川伊織以及巨乳嬌娃古川愛美出道,即刻相形見絀,故此拍咗6部AV之後就消失。

愛澤花梨
所屬廠方:Maxing、Alice Japan
出道年份:2013年
收工年份:2014年
吹水指數:★★★★
足球壇有球壇烏鴉口,喺日本AV界亦有疑似魔咒,來自一位出類拔萃嘅王者級人物,佢就係吉澤明步!明步姐歷來讚過唔少新人有潛質成為接班人,可惜每個都得唔到AV迷青睞,搞到半紅不黑,而被稱為「十年一遇」嘅愛澤花梨就係其中一位魔咒受害者!花梨擁有綺麗面孔以及弗爆胴體,質素的確出眾,故得Maxing以及Alice Japan兩間AV廠共同擁有專屬權利。之不過,花梨喺演出上顯得無厘神氣,唔夠魅力,令AV迷相當失望,最後阿妹主動離開AV界。

若槻雪碧
所屬廠方:MAX-A
出道年份:2013年
收工年份:2013年
吹水指數:★★
喺2013年出道成為MAX-A專屬女優嘅若槻雪碧有力成為Rio嘅接班人,阿妹係日本及葡萄牙混血兒,樣子美艷又帶冷傲感覺,身材纖巧又帶健美感。之不過,雪碧好似冇乜觀眾緣,加上M廠一向都不善宣傳,最慘就係有極品混血妹瀧澤蘿拉嘅出現,令被稱為「十年一遇」嘅雪碧出道後人氣不斷下滑,最終出道一年未夠就以到外國留學為藉口引退。

水卜櫻
所屬廠方:S1
出道年份:2017年
吹水指數:★★★
水卜櫻乃係新一代童顏巨乳代表,嬌美稚嫩嘅面孔惹人憐愛,胸前對G奶水嫩又彈力非凡,形狀更係難得嘅水滴形,難怪被稱為「十年一遇之神乳」!不過,水卜櫻演出唔夠投入,睇到人好掃興!雖然櫻妹家陣未有消息會轉會或引退,但係以阿妹不濟嘅表現都唔會喺S1捱得好耐。

君戶步實
所屬廠方:自由
出道年份:2012年
吹水指數:★
君戶步實喺2012年出道成為S1專屬女優,據悉S1嘅負責人見到阿妹俏麗又充滿青春感嘅美貌,以及高度柔軟嘅身材而驚為天人,故此花咗整整一個月時間游說阿妹下海拍AV,成事之後S1公司上下都大感雀躍,更加安排阿妹進行全國巡迴宣傳活動。步實出道以來都好努力演出,但AV迷硬係唔多接受佢,即使2015年一度引退再復出,但仍然未能夠獲得AV迷垂青,真係時也命也喇!


本文來源:http://hk.on.cc/hk/bkn/cnt/lifestyle/20171109/bkn-20171109173044410-1109_00982_001.html




Tag:
本文鏈接:http://www.graduation-studio.com/38389.html