今日係……香港運動代表首奪奧運金牌之日!

作者:Silverdew 發表日期:2017-07-29 13:08:02

十一年前嘅今日,作為香港人相信都會感受到無比光榮,因為1996年7月29日正係香港奧運滑浪風帆選手李麗珊,代表香港參與亞特蘭大奧運會,為香港締造歷史性奪得第一面奧運金牌(滑浪風帆)嘅一日!

有「風之后」稱號嘅李麗珊生於香港,為長洲原居民,自幼學習滑浪風帆,到17歲時開始參加比賽,19歲更成為香港代表隊成員。至於最為港人以及香港運動界感到驕傲嘅比賽,當然就係1996年美國亞特蘭大奧運會啦!李麗珊喺該屆奧運會上奪得香港歷史上首面奧運會金牌,消息轟動香港,至今依然為港人所津津樂道!而李麗珮奪金之後回港接受記者訪問時,相當激動咁說出一句勉勵港人以及本港運動員嘅說話:「香港運動員唔係垃圾!」此名句可以話係傳頌一時。

李麗珊得金牌嘅亞特蘭大奧運會則係第二十六屆夏季奧林匹克運動會,舉行日期為1996年7月19日至8月4日,於美國亞特蘭大進行。而亞特蘭大奧運會雖然一如以往獲主辦國家投放大量金錢,不過很多人都認為該屆奧運會係奧運會中最不成功嘅一屆,原因係交通問題多,而且被過度商業化,商業廣告可謂無處不在。另外,該屆奧運會亦係香港為最後一次以「香港」同「Hong Kong」名義出席嘅奧林匹克運動會。


本文來源:http://hk.on.cc/hk/bkn/cnt/lifestyle/20170729/bkn-20170729080045697-0729_00982_001.html




Tag:
本文鏈接:http://www.graduation-studio.com/20687.html