慈父喊住求救 咖喱店老闆唔理晚市幫手搵女

作者:Yvonne 發表日期:2018-09-30 09:09:20

元朗有女童失蹤,一位咖喱店老闆熱心相助,體現香港精神!有爸爸近日在社交網站發貼,指女兒於元朗走失,慌亂下到附近的咖喱屋求助,幸得老闆發散人手幫助,更給予安慰,最後與警察合力搜尋下成功找回女兒。

「當時事主衝入嚟,又震曬,問我有冇見過佢個女。」《港呢啲》找到事件中的熱心老闆Ali,他指當時情況危急,事主更擔心至流下男兒淚。雖然當時正值晚市繁忙時段,但他二話不說放下餐廳工作,發散夥記協助救人。

Ali從事主口中得知女童常去的地方,便立即跟兩名同事外出,搜尋女童下落,「有人去公園搵,有人沿着馬路行,睇嚇見唔見到」。他指搜尋約20分鐘後,亦未見女童身影,眼見當時已有大批警員到場,便交由警方繼續搜索,「最後知道搵得番,好開心呀!」。

來自巴基斯坦的Ali,14年前來到香港接手家人的食肆生意,更於香港落地生根,「我同附近街坊好熟,喺街見到面都會打招呼」。

其熱心助人的行為,於網上廣傳,獲元朗街坊盛讚。育有兩名女兒的Ali說:「而家喺佢身上發生,他日都可能喺我身上發生。所以我哋要諗,我幫人,人幫我啫!」好人好事無分國籍,想睇好老闆現身說法?即刻睇片!

---------------
《港呢啲》:大事小事騎呢事,東網電視嚴謹選題,輕鬆製作!請關注港呢啲fb:https://goo.gl/My2tMC


本文來源:http://hk.on.cc/hk/bkn/cnt/news/20170610/bkn-20170610095203791-0610_00822_001.html




Tag:
本文鏈接:http://www.graduation-studio.com/14443.html